ईच्छा
तुझ्या मनात तुडूंब भरलेले गरीबींचे दु:ख
मला दिसत आहे तूझ्या
नयनातून वाहणार्या अश्रूमधून //1//
तूझ्यातील गरीबीशी दोन हात करण्याचे धैर्य
व त्यावर मात करण्याचे शौर्य
मला उमजत आहे
तूझ्या कष्ट करण्याच्या जिद्दीमधून //2//
तूझ्या लेकरांनी खूप शिकावं
आपल जीवन सुखांनी जगावं
अशी तूझ्या मनाची प्रबळ ईच्छा
मला खुणावत आहे तूझ्या
माझ्याकडे पाहणार्या आशेच्या नजरेमधून //3//
तूझ्या मनातील असंख्य प्रश्नांचा ज्वालामुखी
धगधगताना मला जाणवत आहे
दिवसभरांच्या निघालेल्या कष्टाच्या घामामधून //4//
तूझ्या घामाची खरी किंमत
मला कळत आहे
तूझ्या निघणार्या तळहाताच्या
फोडाच्या पाण्यामधून //5//
सांग आई तूझ्या या फोडाला
कोणत औषध -मलम देऊ आणून?
तेंव्हा मला म्हणते माझी आई
बाळा याला कोणत औषध-मलम लागत नाही
याला लागते ते फक्त
तूझ्या सुखी,आनंदी
जीवनाचं समाधान //6//
श्री. वाघमारे आर.जी.
mob. 8975735458
आनंदाश्रूंचा महापूर
भरमसाठ प्रश्नांचा वाहतोय पूर
तरी कंठातून एकही शब्द फुटेना
खंगले मन गरीबीच्या तनावाने
तरी सुखाचे स्वप्न डोळ्यातून हटेना //1//
तान्ह्यापणाचीच आहे गरीबी
दारिद्रयता कांही तिला सोडेना
श्रीमंतांचा तिला वाटतो हेवा पण
कुणाची चाडी करण तिच्या बुद्धीला पटेना//2//
पछाडली आहे या परिस्थितीने
तरी अखंड चालते दारिद्र्याच्या वाटेवरी
प्रतिक्षेत आहे ती सुखी मार्गाच्या पर
अजूनही दारिद्र्याचा मार्गच हटेना//3//
काळजी आहे तिला पिल्लांची तिच्या
माझ्यापरी जगणे नको नशिबी त्यांच्या
आडाणी होते जगले कसेतरी म्हणून
शिकविण्याची जिद्द तिच्या मनातून हटेना//4//
आता झालो आहे मी गुरूजी
लोक म्हणतात मला सर
तेंव्हा हर्षाभिमानाने आईचा माझ्या
कसा येतो दाटून कंठ , भरून ऊर
आणि डोळ्यातून वाहतोय दोन्ही
आनंदाश्रूंचा महापूर महा.. पूर.......//5//
श्री. वाघमारे आर.जी.
[प्रा.शि.]
मो.८९७५७३५४५८
कोई टिप्पणी नहीं:
एक टिप्पणी भेजें